Tunay na Himlayan

Tanong sa sarili mo'y ba't kailangan pang mabuhay
Kung panandalian lamang at bigla ring mamamatay?
Ano ang kahalagahan, katuturan mo sa mundo?
Bakit ka naririto? Sana ay nalalaman mo...

Maaga mang mamatay basta't tungkuli'y nagampanan
Kaysa magtagal sa mundo nang wala mang kabuluhan.
Kailangan bang pumanaw, ano kaya ang dahilan?
Kalayaan ba'y makamtan sa sariling kamatayan?...